Seagal

Mae Lwcus T yn falch o gyflwyno ‘Seagal’ degfed sengl o brosiect senglau misol Sywel Nyw yn 2021

Gwestai mis Hydref ydi Iolo Selyf, prif-leisydd un o fandiau mwyaf diddorol a egniol y sin gerddorol Gymraeg dros y ddegawd ddiwethaf, sef Ffug.

Mae ‘Seagal’ yn cyfuno elfennau electronig Sywel Nyw gyda agwedd amrwd a geiriau ffyrnig Iolo. Dyma gân sy’n dathlu bodolaeth a chyfraniad yr actor b-list Steven Seagal, a rhai o clichés yr 80au.

Mae’r fideo arbennig s’yn cyd-fynd gyda’r sengl, wedi ei ffilmio a’i gyfarwyddo gan ddau artist yn hannu o Ogledd Cymru, ac yn ymarfer eu crefft bellach yn Llundain sef Wubacub a Billy Bagilhole. Mae’r video yn ail-ddychmygu Seagal mewn lleoliadau gwallgof, gan gynnwys gem gyfrifiadurol ac fel cymeriad cartŵn mewn western.

Bydd ‘Seagal’ allan ddydd Gwener 29 o Hydref.