Dyfroedd Melys

Mae Lwcus T yn falch o gyflwyno Dyfroedd Melys, y drydedd sengl o brosiect uchelgeisiol ar gyfer 2021.

Pob mis o’r flwyddyn bydd Sywel Nyw yn rhyddhau sengl newydd ar y cyd gydag artist gwahanol.

Gwenno Morgan yw’r artist gwadd ar gyfer mis Mawrth. Yn wreiddiol o Fangor, mae Gwenno bellach yn byw yn Leeds ac yn prysur greu enw i’w hun gan blethu elfennau o gerddoriaeth jazz, clasurol ac eletronica yn grefftus.

Dywed Gwenno am Dyfroedd Melys:

“Ar ôl cyfnod mor hir o gyfyngiadau, ro’n i ishe sgwennu miwsig fase’n gneud rhywun i ddawnsio!

Mi na’th y profiad o gydweithio hefo Lewys fy sbarduno i chwilio am syniadau newydd. Y cydweithio yna aeth â’r gerddoriaeth i rywle na fase fo wedi mynd pe byswn i jest wedi sgwennu rhywbeth ar ben fy hun.”

Ar Dyfroedd Melys mae arddull jazz teimladwy Gwenno wedi ei blethu’n fedrus gyda geiriau a melodïau Sywel Nyw.

Cynhyrchwyd fideo ar gyfer y trac gan Anna Huws, gyda’r ffilmio a golygu gan Gwilym Huws.

Gellir gwrando ar holl ganeuon y prosiect uchelgeisiol hyd yma ar y llwyfannau ffrydio cerddoriaeth arferol, neu trwy fynd i lwcust.com.

Bydd Dyfroedd Melys yn cael ei ryddhau ddydd Gwener 26 Mawrth.

Mwy o wybodaeth:

Instagram: @SywelNyw